پاکستان فٹبال فیڈریشن اور سعودی فٹبال فیڈریشن کے درمیان معاہدہ طے پاگیا۔
پی ایف ایف کے صدر محسن گیلانی اور سعودی فٹبال فیڈریشن کے سربراہ یاسر المصحال نے ایم او یو پر دستخط کیے۔
اس معاہدے کے تحت فٹبال کی بہتری کے لیے دونوں ملک ایک دوسرے سے تعاون کریں گے۔
معاہدے کے تحت کوچ ڈیولپمنٹ، ویمن فٹبال اور یوتھ فٹبال پر کام کیا جائے گا جب کہ دونوں ملکوں کے درمیان فٹبالرز کے تربیتی ایکسچینج پروگرام ہوں گے۔
اس معاہدے کے تحت دونوں ملک فٹبالرز کے لیے مشترکہ تربیتی کیمپوں کا بھی انعقاد کریں گے۔
