جمرود پولیس کو منشیات کے مقدمات میں مطلوب مشہور منشیات فروش کے خلاف کامیاب کارروائی، 5 کلوگرام آئس برآمد، مقدمہ درج

تفصیلات کے مطابق ڈسٹرکٹ پولیس آفیسر خیبر رائے مظہر اقبال کی قیادت میں ضلع بھر میں منشیات فروشوں اور ان کے سہولت کاروں کے خلاف کارروائیاں بھرپور انداز میں جاری ہیں۔اسی تسلسل میں ایس ایچ او جمرود نسیم خان کی نگرانی میں انچارج زرمت خان شہید چوکی بخت منیر کی سربراہی میں حواس خان و دیگر پولیس ٹیم نے علاقے شاکس کباڑی مارکیٹ کے قریب ناکہ بندی کے دوران مشتبہ شخص نور داد ولد سردار خان کو گرفتار کیا۔ جن سے دوران تلاشی 5 کلوگرام آئس برآمد کرکے حوالات منتقل کر دیا جنکے خلاف مقدمہ درج کر کے مزید تفتیش شروع کر دی ہے۔ ایس ایچ او جمرود نسیم خان نے کہا کہ ملزم بدنام زمانہ منشیات فروش ہے جو مختلف علاقوں کو آئس سپلائی کرتا رہا ہے۔انہوں نے مزید بتایا کہ ملزم سے مزید تحقیقات جاری ہیں جن سے اہم انکشافات متوقع ہیں۔