جمرود (فری لانس جرنلسٹ اختیارگل) خیبر اینٹی کار لفٹنگ سیل نے کامیاب کارروائی کے دوران تھانہ کبیر والا ضلع ملتان سے چوری شدہ موٹرکار برآمد کرلی۔ یہ گاڑی ایف آئی آر نمبر 456 جرم 38/A میں مطلوب تھی۔قانونی کارروائی مکمل کرنے کے بعد انچارج اے سی ایل خیبر عبدالرزق نے برآمد شدہ موٹرکار اصل مالک کے حوالے کردی۔اس موقع پر ڈسٹرکٹ پولیس آفیسر خیبر رائے مظہر اقبال نے کہا کہ خیبر پولیس ہر شعبے میں پیشہ ورانہ انداز میں اپنے فرائض انجام دے رہی ہے۔ انہوں نے واضح کیا کہ عوام کی جان و مال کا تحفظ پولیس کی اولین ترجیح ہے اور منشیات، جرائم اور چوری جیسے عناصر کے خلاف زیرو ٹالرنس پالیسی پر سختی سے عمل درآمد جاری رہے گا۔
