پاکستان کرکٹ بورڈ (پی سی بی) نے اعلان کیا ہے کہ منگل، 5 مارچ کو قذافی سٹیڈیم لاہور میں نیوزی لینڈ اور جنوبی افریقہ کے درمیان ہونے والے سیمی فائنل میچ کے دوران شائقین کو فری افطاری فراہم کی جائے گی۔
شائقین اپنے ٹکٹ دکھا کر فری افطاری باکس حاصل کر سکیں گے، جس میں کجھور، جوس اور منی پیزا شامل ہوگا۔ اس کے علاوہ، سٹیڈیم کے اندر فوڈ سٹالز سے کھانے پینے کی دیگر اشیا بھی خریدی جا سکیں گی۔
سیمی فائنل میچ کل دوپہر 2 بجے شروع ہوگا، جبکہ افطار کا وقت شام 6 بج کر 5 منٹ پر ہوگا۔ شائقین کرکٹ کے لئے یہ ایک شاندار موقع ہوگا کہ وہ میچ کے دوران افطار کا لطف اٹھا سکیں۔
